Kryetari i KMSH-së, H. Bujar Spahiu viziton Presidentin e Republikës, Sh.T.Z. Ilir Meta.

Kryetari i Komunitetit Mysliman të Shqipërisë, H. Bujar Spahiu, vizitoi sot Presidentin e Republikës, Sh.T.Z. Ilir Meta.

Në fjalën e tij, Presidenti Meta e përgëzoi Kryetarin Spahiu me rastin e zgjedhjes së tij në krye të institucionit dhe vlerësoi rolin e shquar të Komunitetit Mysliman, që nga themelimi i shtetit shqiptar e deri në ditët e sotme, në promovimin e bashkëjetesës dhe harmonisë fetare në vend, si dhe në forcimin e shtetit tonë.

Gjithashtu Presidenti Meta vuri në dukje domosdoshmërinë e intensifikimit të përpjekjeve për të bërë të mundur kthimin e pronave Bashkësive Fetare dhe kompensimin e tyre sa më parë nga shteti.

Ndërsa Kryetari Spahiu, pasi e falënderoi Presidentin Meta për pritjen dhe urimet me rastin e zgjedhjes së tij në krye të institucionit, u ndal në vendosmërinë e tij për të kontribuar më tej në zhvillimin fetar, ekonomik dhe social të vendit.

Bashkëbisedimi ndërmjet tyre vijoi më tej duke theksuar rëndësinë e madhe të bashkëpunimit mes institucioneve fetare në vend me ato shtetërore në të gjitha fushat, duke filluar që nga arsimi, shëndetësia, solidariteti shoqëror dhe njerëzit në nevojë.

 

27 Comments

Lini një Përgjigje

Adresa juaj email s’do të bëhet publike.