Sërish në krye të Bashkësisë Islame të Kosovës do të jetë Naim Tërrnava, njofton Klan Kosova.
Ai mori 52 vota nga trupi zgjedhor i cili përbëhej nga 28 delegatë të Kuvendit, 28 kryetarët e Këshillave të Bashkësisë Islame të Kosovës në 28 komuna, si dhe një përfaqësues nga Medreseja dhe një nga Fakulteti i Shkencave Islame.
Kundërkandidat i Tërrnavës ishte Reshat Mexhiti i cili mori gjashtë vota, ndërsa dy vota ishin të pavlefshme.
Ky do të jetë mandati i katërt për Tërrnavën në institucionin më të rëndësishëm të besimit islam në vend.